مشکلات اور آزمائشوں کی وجہ سے زندگی اجیرن ہو چکی‘معاشی تنگی اور بیماریوں نے جینا دو بھر کر رکھا ہے‘میاں بیوی کی آپس کی ناچاقیوں‘ گھریلو جھگڑوں اور رشتوں کے مسائل نے بس بس اور مجبور کر دیا‘جینے کی کوئی امید باقی نہیں رہی‘ تو اب مزید مایوس اور پریشان ہونا چھوڑ دیں کیونکہ اس ماہ کی یہ مقبول گھڑیاں آپ کے لئےراحت‘سکون‘ تمام الجھنوں ‘ مشکلات کا حل اور خوشیوں کی نوید لائی ہیں:۔
ماہ جولائی کی روحانی محفل!
12 جولائی اور26 جولائی بروز جمعہ عصر سے مغرب کے درمیان سرسوں یا کسی بھی تیل کی شیشی کو سامنے رکھتے ہوئے اول و آخر تین بار درود پاک کے ساتھ33مرتبہکٓھٰیٰعٓصٓ کِفَایَتُنَا حٰمٓعٓسٓقٓ حِمَایَتُنَاپڑھ کر تیل پر دم کر دیں۔ یہ ذکر، بھکاری بن کر، خلوص دل‘ درددل ، توجہ اور اس یقین کے ساتھ کہ میرارب میری فریا د سن رہا ہے اور سو فیصد قبول کررہا ہے اور تصور رکھیں کہ دل کو سکون‘ چین‘ نصیب ہورہا ہے اور تمام مشکلات فوری حل ہورہی ہیں۔ اب اس دم کیے ہوئے تیل کو دونوں آنکھوں کی بھنوئوں پر ‘کان کی لُو پرہاتھوں اور پائوں کے ناخنوں اور سر پر لگائیں۔گھر کے تمام افراد اس تیل کو استعمال کر یں۔
عمل پورا ہونے کے بعد دل و جان سے پوری امت، عالم اسلام اور غیرمسلموں کے ایمان کیلئے پوری دنیا میں امن کی دعا‘ اپنے لیے اور اپنے عزیز و اقارب کیلئے دعا کریں۔ پورے یقین کے ساتھ دعا کریں۔ ہر جائز دعا قبول کرنا اللہ تعالیٰ کے ذمے ہے۔ اس عمل کی برکت سےان شاء اللہ آپ کی تمام جائز مرادیں ضرور پوری ہوںگی‘گھریلو جھگڑے ‘ پریشانیاں‘بیماریاں اور مسائل کا خاتمہ ہو گا۔اس عمل کے بعد 50روپے کسی مستحق کو صدقہ کردیں اور اس تمام عمل کا ثواب اصحاب بدریینؓ اور شہدائے کربلا کو ہدیہ کردیں۔
( نوٹ :)-روحانی محفل کے درمیان اگر نماز کا وقت آجائے تو پہلے نماز ادا کی جائے اور بقیہ وقت نماز کے بعد پورا کیا جائے۔ اگر اسی وقت یہ وظیفہ روزانہ کرلیں تو اجازت ہے مستقل بھی کرنا چاہیں تو معمول بناسکتے ہیں۔ ہر مہینے کا ورد مختلف ہوتا ہے اور خاص وقت کے تعین کے ساتھ ہوتا ہے۔ بے شمار لوگوں کی مرادیں پوری ہوئیں۔ ناممکن ،ممکن ہوئیں۔ پھر لوگوں نے اپنی مرادیں پوری ہونے پر خطوط لکھے آپ بھی مراد پوری ہونے پرخط ضرور لکھیں۔ (ایڈیٹر)